BNG: A contrarreforma (II)

Beiras "returns"

O meu admirado Xosé Manuel Beiras volveu á palestra mediática co gallo da incipiente guerra que se está a declarar no BNG por mor dos resultados electorais. a semana pasada xornais como La Voz de Galicia, Vieiros ou A Nosa Terra recollían nas suas edicións dixitais as declaracións feitas en rolda de prensa xunto cos outros membros do Encontro Irmandiño, última aventura liderada polo ex-secretario xeral que busca unha reformulación do BNG que se reencontre co ideario primixenio que guiou o nacemento da Fronte alá polo 82.

Aínda que que a música xa é conocida, os plantexamentos expresados por Beiras, e os similares que virán, de seguro, doutras faccións críticas -Esquerda Nacionalista xa pediu hai máis dunha semana a demisión de Quintana-, cobran agora más relevancia e, se cadra, máis lexitimidade ao corroborar alguns das diagnoses feitas antes dos comicios: fala Beiras de que "hai que recuperar a democracia básica" e para iso "o mesmo aparato vertical non pode pilotar a asemblea". Dito noutras palabras, refundar o nacionalismo desde un asamblearismo de esquerdas, vovéndolle a capacidade de decisión perdida a toda a militancia, e achegarse aos postulados dos movimentos sociais e cívicos. Textualmente, recuperar "a estrutura de fronte interclasista".